2008/12/17

Hacia rutas salvajes

Hacia rutas salvajes
Jon Krakauer
Ediciones B

Liburu biografiko honetan, idazleak gazte iparamerikar baten azken urteetako ibilbidea jarraitzen du. Christopher Johnson McCandless famili aberats bateko kidea eta ikasle ona zen baina 1990ean unibertsitatean graduatu ondoren izena aldatu eta bere txartelak, dirua, kotxea ... erre zituen eta nora ezean Ipar Amerika zeharkatu zuen esperientzi berrien bila. Basa bizitza maite zuen eta Alaskara joan zen, heriotza han aurkituko zuelarik 4 hilabete autobus-karabana batean pasa ondoren.

Liburu honetan oinarrituta Sean Pennek film bat ere egin zuen

Hacia rutas salvajes
Zuzendaria: Sean Penn
Antzezleak: Emile Hirsch, Marcia Gay Harden, William Hurt
Ekoizpen urtea: 2007
Iraupena: 151'




Hauek dira filmaren trailerra eta Eddie Vedderrek (Pearl Jam taldeko abeslariak) filmarako egindako abestietako bat





2008/12/12

Eguberriak 2008-2009

Hauek dira Kultura Sailak Eguberrietarako antolatu dituen haurrentzako emanaldiak:


Abenduak 22, astelehena: 10.30-13.00 eta
16.00
-18.30: Haurrentzako jolas-parkea
udal p
ilotalekuan.



Abenduak 23, asteartea: Ixabel Milleten
es
kutik “Gabonetako euskal ipuinak”
ipuin-kontaketa, 11.30ean kultur etxean.



Abenduak 29, astelehena: BehiBi's taldearen eskutik “Rosi erosi” antzerki-emanaldia, 11.30ean kultur etxean.



Abenduak 30, asteartea: Txalo taldearen
eskutik “Magia teilatuetan” antzerki
-emanaldia, 11.30ean kultur etxean.

Haur eta gazteentzako liburu berriak

0-8 URTEKOENTZAT



8-12 URTEKOENTZAT



12-16 URTEKOENTZAT

2008/12/05

Atrapados en el hielo. Shackletonen abentura

Caroline Alexander
Atrapados en el hielo: la legendaria expedición a la Antártida de Shackleton
Geoplaneta, 2008

Ernest Shackletonek, Scott esploratzailearen Antartidarako espedizioetan parte hartu ondoren, bere espedizioa antolatu zuen 1908. urtean baina hego polotik 160 kilometrotara gelditu zen. 1911. urtean Roald Amundsen polora iristen lehena izan zela ikusirik, beste helburu bat asmatu zuen: Antartida kontinentea oinez zeharkatzea. 1914.an abiatu zen asmo honekin Londresetik baina beraien ontzia izotzetan gelditu zen harrapatuta eta suntsitua izan zen. Orduan hasi zen Shackleton eta bere gizonen benetako abentura.
Liburu honetan azken espedizio hau kontatzen digu, nola lortu zuten bizirik irautea inguru ezatsegin eta zail horretan.


Shackleton eta bere gizonen ibilbidea jarraitu dutenak Al Filo de lo Imposible saiokoak izan dira. DVD honetan garaiko irudiak gaur egungoekin nahasten dira eta espedizioaren ibilbidearen berri emateaz gain, Antartidako edertasuna erakusten dute.

Georgias del sur
Impulso Records, 2005

2008/11/28

"Emakumeen ekarpena migrazio prozesuetan" narrazio lehiaketa

TOLOSALDEA GARATZEN AGENTZIAK ANTOLATU DUEN “EMAKUMEEN EKARPENA MIGRAZIO PROZESUETAN” LEHENENGO NARRAZIO LEHIAKETAREN OINARRIAK

GAIA

Errez aurki daitezke euskaldunetaz eta hauek munduan zehar izandako mugimenduetaz diharduten literatur testuak. Testu hauek gutxi edo ezer diote prozesu hauetan parte hartu zuten emakumeetaz, ordea. Emakumeak ezkutatzeko eskema hau bera antzeman dezakegu gaur egun Euskal Herrira datozenetaz ari garenean. Emakume etorkinak ez daude agerian, batez ere egoera irregularrean daudenak, ezkutatzen errazak diren lanetan aritzen direnak. Hala, Literatur lehiaketa honetan idazketaren bidez emakume hauek nabariagoak izan daitezen laguntzera gonbidatu nahi zaituztegu, bai atzerritik Tolosaldeara etorritako emakumeen historien bidez, baita bertatik atzerrira joandakoenen bidez ere. Horrela gizarte aintzatespena lortzen laguntzea lortuko duzue. Hori dela eta, proposatzen dizuegun gaia hau da: Emakumeen ekarpena migrazio prozesuetan.

PARTE HARTZAILEAK

Lanak aurkezteko bi kategoria aurreikusi dira:
1. 16 urte beherako
Tolosaldean bizi diren neska eta mutil guztientzako.
2. 16 urtetik gorako (2008 urtean beteta)
Tolosaldean bizi diren emakume eta gizon guztientzako.
Bi kategoriatan, partaideek beste lehiaketaren batean saririk jaso ez duten argitaratu gabeko lan originala aurkeztu behar dute. Baldintza hauek epaimahaiak bere erabakia aditzera eman arte iraungo dute.

GOMENDIOAK

Idazlanetan hizkera
ez sexista eta gizonezkoen eta emakumezkoen estereotipoez
harago doana erabiltzea baloratuko da.

HIZKUNTZA

Idazlanak
euskaraz eta gaztelaniaz onartuko dira.

NARRAZIOEN EZAUGARRIAK

Lanak gehienez 10 orrikoak izango dira, DIN A-4 neurrikoak, makinaz edo ordenagailuz idatziak, tarte bikoitzarekin eta alde batetik bakarrik. Letra, Times New Roman motakoa izango da, 12 tamainakoa.


AURKEZTU BEHARREKO DOKUMENTAZIOA

Narrazioen ale bakarra aurkeztuko da egilearen identifikaziorik ez duen gutunazal
itxian. Gutun-azalean, datu hauek bakarrik agertuko dira:
  • Narrazio lehiaketa, izenburua eta adina.
Barruan, beste gutun-azal itxi bat sartuko da. Kanpoaldean aurreko gutunazaleko datu berberak jarriko dira eta barrualdean honako hauek:
  • Lanaren izenburua.
  • Idazlearen izen-abizenak.
  • NAN-aren fotokopia (edo balio bereko dokumentua atzerritarra izanez gero, pasaportea, egoitza-baimena...)
  • Helbidea eta harremanetarako telefonoa.
LANAK AURKEZTEKO TOKIA ETA EPEA

TOLOSALDEA GARATZEN
San Esteban auzoa, 20
20.400 Tolosa
edo helbide elektroniko honetara: inmigrazioa@tolosaldea.net
Egileek,
2008ko abenduaren 31 arte bidali ahal izango dituzte lanak Tolosaldea Garatzenen bulegoetara edo eraman Agentziaren ordutegian. Emailez bidaltzeko,
abenduaren 31ko 23:59 ordu arte.

EPAIMAHAIA
  • Joxe Mari Iturralde (Idazlea).
  • Miren Garmendia (Filologoa).
  • Josebe Iturrioz (Tolosako Udaletxeko Berdintasun Teknikaria)
  • Susana Marato (Billabonako Udaletxeko Berdintasun Teknikaria).
  • Mamen Rasero (Tolosaldeko Inmigrazio Teknikaria).

EPAIA

Epaimahaiaren erabakia
otsailean jakingo da. Soilik irabazleek izango dute
honen berri sari banaketa arte.

SARIAK

  • 16 urte beherakoentzat, 200 euro eta saria.
  • 16 urte gorakoentzat, 500 euro eta saria.
SARITU GABEKO LANAK

Egileek, 2009ko martxoaren 31 arte jaso ahal izango dituzte lanak Tolosaldea
Garatzenen bulegoetan (Agentziako ordutegian).

SARI-BANAKETA

Irabazleei saria emango zaie horretarako egingo den ekitaldian.

Oinarriak gazteleraz irakurri nahi badituzu, sakatu hemen

2008/11/26

Ipuin kontaketaren argazkiak

Lur Kortaren emanaldi jendetsuaren argazkiak dituzue hauek




Argazkien egilea: Makiu

2008/11/21

Ipuin kontaketa


IPUIN KONTALARI SAIOA IBARRAN


NOR: LUR KORTA
NORENTZAT: 2-4 URTEKO HAURRENTZAT
NOIZ: ASTEARTEA,AZAROAREN 25 , 5.30EAN
NON: BENITO IZAGIRRE KULTUR-ETXEAN
OHARRA: HAURREK ZAINTZAILEREN BATEKIN
EGON BEHARKO DUTE SAIOAN.


Diapositiva 1

2008/11/13

Bestea da mundua

Juan Mari Irigoien
Bestea da mundua
Elkar


Orbetarrak trilogiaren lehenengo liburukia da hau, XIX. mende bukaeran eta XX. mende hasieran Orbe eta Aldasoro familien gorabeherak kontatzen dizkiguna.

Idazleak bere liburuari buruz dioena jakin nahi baduzu, ikusi ETBko Sautrela saioan Irigoieni egindako elkarrizketa


2008/11/10

Saharako ipuinak

Datorren ostegunean, azaroaren
13an, arratsaldeko 5:30ean
Saharako ipuin kontaketa saio bat
izango dugu kultur etxean, ondoren henna tatuaien tailerra eta tea dastatzea izango direlarik.
Ekimen hau Kultur Trukea 08 hamabostaldiko egitarauaren barnean dago.

2008/11/03

Arianna Puello. 13 razones

Arianna Puello
13 razones
Zona Bruta

Ariannak ibilbide luzea du Rap musikaren baitan, Ari izenarekin 2 disko (maxi bat eta LP bat) atera baitzituen eta oraingo izenarekin beste 5. Estatuko abeslari ezberdinen diskoetan ere kolaborazio ugari ditu: Fermin Muguruza, Frank T, Jotamayuscula... Bera izan zen lehenengotako emakumea estatuan Rap musika egiten.
Disko honetan Rap musika egiten jarraitzen du baina beste estilo batzuekin nahastuta. Dominikar Errepublikan grabatua izan da eta ondorioz bertan nagusi diren erritmoak azaltzen dira: saltsa, reggae, erritmo tropikalak ... baita reggaetona ere.

Bideo honetan Amparanoiaren laguntza duen
Juana Kalamidad abestia ikus eta entzun dezakezu.

2008/10/27

Isaac el pirata

Christophe Blain
Isaac el pirata
Norma

Oraingoz 5 liburuxkek osatzen dute abenturazko komiki hau. Bertan Isaac izeneko erdipurdiko margolariak bere jaioterria (Paris) eta neska (Alice) utzi behar izaten ditu diru ezak bultzatuta eta Ameriketara dioan itsasontzi batean sartzen da bidaian ikusten duena (itsasontzia, marinelak ...) margotzeko. Baina pirata batzuk asaltatzen dituzte eta orduan hasten da benetako abentura.

Abenturazko generoan ohikoak diren ezaugarriak ditu komiki honek: lapurretak, altxorrak, hilketak, amodioa, emakumeak, umorea ... Gainera, istorioa XVII. mendean kokatzen da eta oso ondo erakusten dizkigu garaiko arropak, hiriak, itsasontziak ...

Komiki honek Angoulemeko Komiki Hobenaren saria jaso zuen 2002. urtean.

2008/10/15

Liburu elektronikoak

Orain arte inor gutxik ikusi edo erabili ditu liburu elektronikoak baina jada merkatuan daude eta gero eta aukera handiagoa dago erosteko (Iliad, Kindle, Cybook, Sony Reader, ...) . Bere abantailei esker (liburuak internetetik jaisten dira, merkeak dira, leku gutxian liburu asko sartzen dira, ez dira agortzen ...), azken aldian egin diren hobekuntza teknikoengatik (tinta elektronikoa ...) edo kultura digitala inposatzen ari delako denbora gutxi barru paperezko liburuari lekua jango diola diote (ikusi El Paisek dioena).

Liburu hauek (iRex iLiad markakoa zehazki) nolakoak diren eta nola funtzionatzen duten jakin nahi baduzu, ikusi bideoa

2008/10/09

Ipuin kontalaria

Datorren asteazkenean, urriaren
15ean, arratsaldeko 5:30ean
ipuin kontalari saio berri bat
izango dugu kultur etxean
4-8 urteko haurrentzat.
Lur Kortak "Enara dantzan" saioa eskainiko
digu, bertan txoriak izango direlarik
protagonista.


Oharra: haurrak bakarrik sartuko dira saiora

2008/09/26

Galtzakomik komiki lehiaketa 2008

Galtzaundi Euskara Taldeak Ibarrako Udalarekin elkarlanean IBARRA GALTZAKOMIK 08 komiki lehiaketa antolatu du. Hemen duzue oinarrien laburpen bat, informazio gehiago nahi izan ezkero deitu 943655004 telefono zenbakira, idatzi kultura@galtzaundi.com-era edo sartu www.galtzaundi.com web gunean.

OINARRIAK
  • Edozeinek har dezake parte lehiaketan, bakarka eta bi kategorietan; 18 urtetik beherakoentzat, bata, eta 18 urtetik gorakoentzat, bestea.
  • Komikietako gaia librea izango da, baina ez da onartuko eduki bortitz, sexista edo arrazista duen komikirik, ezta intolerantziazko jokabiderik eragin dezakeen gairik ere.
  • Pertsonai guztiak jatorrizkoak eta argitaragabeak izan behar dira, hau da, autoreak berak sortutakoak.
  • Lehiaketan jatorrizko lanak aurkeztu behar dira eta baita ordenagailuaren bidez sortu edo tratatuak izan direnak ere.
  • Saridunak erabakitzeko epaimahaia osatuko dutenak Joseba Antxustegietxarte , Juanba Berasategi, Asisko Urmeneta, Iñaki Martiarena Mattin, Frantzisko Jabier Etaio, Iñaki Epelde, Jose Luis Longaron eta Kike Amonarriz izango dira.
MODALITATEAK ETA HIZKUNTZA
  • Lanak zuri-beltzean edo koloretan aurkeztu ahal izango dira euskaraz.
NOLA AURKEZTU
  • Autorearen izena ez da ikusgai egongo eta gutun-azalean aurkeztuko dira lanak, sinadura eta izenik gabe, izenburu batekin. Autorearen datuak (izena, telefono zenbakia, lanbidea, adina eta helbidea) beste gutun-azal batean aurkeztuko dira, izenburu berarekin. Bigarren gutun-azal hau lehenengoan sartuko da.
NOIZ ETA NOLA AURKEZTU
  • Lanak azaroaren 26ra arte aurkeztu ahal dira Galtzaundiren Tolosako egoitzan edo postaz helbide honetara bidaliko dira:
Galtzaundi Euskara Taldea
"Ibarra Galtzakomik" komiki lehiaketa
Nafarroa Etorbidea, 6 Behea
20400 Tolosa (Gipuzkoa)

KATEGORIAK
  • Komikiak: 18urtetik behera
  • Komiki banda: 18 urtetik gora
SARIAK
  • Bi sari egongo dira maila bakoitzeko; 18 urtetik beherakoen lehen saria 400 euro eta argitalpena paperean eta web gunean eta bigarrena 200 euro. 18 urte gorakoen lehen saria, aldiz, 600 euro eta argitalpena paperean eta web gunean eta bigarrena 400 euro.

2008/09/10

Onddoak eta perretxikoak II

Onddo eta perretxikoei buruzko iazko sarreraren ondoren hemen dator bigarren zatia. Iaz jarri ez nituen liburuak eta liburu berriak azaltzen dira bertan.


Euskal Herriko onddoen gida
[egilea, Aranzadi Zientzia Elkarteko Mikologia Saila
[Andoain] : Berria, L.G. 2007

110 perretxiko ezagunei buruzko informazioarekin. Perretxiko guztien fitxak dakartza liburuak, argazkiak eta guzti. Fitxa horietan, perretxikoen ezaugarriak azaltzen dira, nola bildu, gordetzeko teknikak, intoxikazio arriskuak...


Otras 50 setas comestibles
Ramón Mendaza
Donostia: Noticias de Gipuzkoa, 2007

Perretxikoei buruz jakin nahi duzuena 50 fitxetan laburtuta eta argazkiekin.



La cocina de las setas
José Antonio Muñoz Vivas
Bilbao : Ttarttalo, D.L. 2001

José Antonio Muñoz Vivasek zaletuen artean interesgarrienak diren 33 perretxikoen laburpena egiten du. Hasteko perretxiko bakoitzaren fitxa bat egiten du bere ezaugarri nagusiekin eta gero sukaldean prestatzeko errezeta batzuk ematen dizkigu.

Mil setas ibéricas
Roberto Lotina Benguria
[Bilbao] : Bizkaiko Foru Aldundia : = Diputación Foral de Vizcaya , D.L. 1985

Mikologiaren klasiko bat da liburu hau. Iberiar Penintsulako 1000 perretxiko aztertzen ditu
bi atal nagusitan banaturik: Alde batetik perretxikoei buruzko orokortasunak eta bestetik bere sailkapen, deskribapen eta azterketa ilustrazio interesgarriz betea.

Caramel

Izenburua: Caramel

Nazionalitatea: Frantzia/Libano

Generoa: Komedia

Ekoizpen urtea: 2007

Zuzendaria: Nadine Labaki

Antzezleak: Yasmine Al Masri ...

Iraupena: 94'


Bost emakume Beiruteko apaindegi batean elkartu ohi dira, osotara kolorista eta sentsuala den mikrokosmos batean, belaunaldi ezberdinak elkarrekin gurutzatu eta bata besteei era guztietako konfidentziak eginaz. Layalek Rabih maite du, gizon ezkondua da ordea. Nisrine musulmana da eta arazo bat dauka laster izango den bere ezkontzari begira: dagoeneko ez da birjina. Rima aztoratuta dabil emakumezkoek erakarrita sentitzen delako eta ile luzedun bezero eder batek apaindegia noiz bisitatuko urduri dabil. Jamelek ez du zahartu nahi. Rosek bere bizitzari uko egin dio bere ahizpa zaharragoa zaintzeko. Apaindegian, gizonak, sexua eta amatasuna dira euren hizketaldien mintzagai nagusiak, ile-mozketen eta karamelu bidez egindako depilazioen artean. (Donostiako Zinemaldiko Orrialde Ofizialetik hartutako testua)


Gerran ez dagoen Libanoko eguneroko errealitatean oinarritutako film fresko, femenino, samur eta humoretsu honek 2007ko Donostiako Zinemaldian Publikoaren eta Gazteriaren sariak irabazi zituen.


Hau da filmaren trailerra



2008/07/29

Jendaurrean hizlari. Joxerra Garzia

Oraingo honetan, eta lehenengo aldiz, sarrera hau liburutegiko irakurle batek eginikoa da (eskerrik asko Luisan). Zuetariko batek liburutegiko liburu, CD edo DVD ezberdinen kritika edo komentarioren bat egin nahi badu, jarri liburuzainarekin harremanetan.



Joxerra Garzia
Jendaurrean hizlari
Alberdania


Mardula izanda ere, erraz irakurtzen den liburua da. Hizkuntza maisuki erabiltzen du Garziak eta horrek arintzen du gaiak izan zezakeen zama. Gaia jorratzeko erabiltzen duen egitura argia, proposatzen dituen ariketak eta taulak eta eskaintzen dituen hizkuntzaren inguruko ereduak eta bibliografia osagarriak lagungarri dira liburua gustura irakurtzeko.


Jendaurrean hizlari da liburuaren izenburua, jendaurrean azaltzeko eta hitz egiteko ditudan zailtasunak gainditzen hasteko jo dut liburu honetara. Eta, iruditzen zait, jendaurrean hitz egiteko landu eta ezinbestekoa den atal bat, idatzizkoa, landu duela, batez ere, Garziak. Bai zabalkuntzan, bai sakontasunean, idatzizko atala da gehien jorratzen duena. Jendaurrekoa ez du sakontasun berdinarekin aztertu eta, batez ere, jendaurreko egoera egituratuetan jartzen du arreta (irrati saioak, bertso saioak, multzo handi baten aurrean egin beharreko lanak). Hala eta guztiz ere, ziur nago irakurle guztiak, praktikotasun handiko gauza bat edo bestea, aurkituko duela liburu honetan. Nik gauza asko ikasi ditut behintzat.


Luisan

Tannöd, el lugar del crimen


Andrea Maria Schenkel

Tannöd, el lugar del crimen

Destino


50. hamarkadan, II. Munduko Gerratea pasa ondoren lasai bizitzen hasi den Alemaniako herri txiki batean izugarrizko hilketa gertatzen da: Danner-tarrak (gurasoak eta seme alabak) eta zerbitzaria erailda azaltzen dira beraien baserrian. Benetako gertaera honetan oinarrituta, idazleak poliziarik edo detektiberik agertzen ez den nobela beltz bat egiten du, herriko bizilagunei egindako elkarrizketen bidez jakingo dugularik nolakoak diren nekazal giroko herri honetako biztanleak eta zein den hiltzailea.

Erraz irakurtzen den nobela honek izugarrizko arrakasta izan zuen Alemanian eta sari batzuk ere (Friedrich-Glauser 2007 saria ..) jaso ditu.

2008/07/23

Esne Beltza. Made in Euskal Herria


Esne Beltza

Made in Euskal Herria

Gaztelupeko Hotsak


Xabier Solano (The Solanos, Fermin Muguruza, Etzakit, 4 Itzal) buru duen talde hau esperientzi handiko musikariz dago osatua. Gehienak Fermin Muguruzaren taldea osatzen zuten azken biran baina beste talde batzuetan ere jo izan dute, hala nola Etzakit, Joxe Ripiau , Mal de Ojo, Baldin Bada, Karidadeko Benta, Izotz edo Su Ta Garen.


Made in Euskal Herria beraien lehen diskoa da eta bertan musika beltza (reggae, ska, hip hop eta soula) lantzen dute baina betiere euskal ukitu bat emanez trikitixa eta beste instrumentu batzuekin. Zuzenean entzuteko taldea dela esan daiteke bere musika oso alaia eta dantzagarria baita.

Zuzenean ikusteko Ibarrako San Bartolome Festetan (abuztuaren 23an, gaueko 11:00etan herriko plazan) izango duzue parada. Musika entzuteko berriz, hemen klikatu eta taldeko Myspaceko orrialdera joango zarete. Argazkiak ikusteko berriz, hemen klikatuz flickren dauden argazkiak ikusiko dituzue.


Bideo hauetan ekainaren 19an Ereñozun emandako kontzertuaren zati bat eta diskoaren grabaketako making off-a dituzue.





2008/07/03

Oporretarako mendi ibilbideak

Mendian ibiltzea gustatzen bazaizue, oporretan oso urrutira joan gabe mendiaz gozatzeko ideia batzuk emango dizkizuegu:


Travesías de una semana: rutas de seis a siete días

Sua edizioak


Pirinioetan zehar astebeteko trabesiak egiteko ideiak ematen ditu liburu honek: Baionatik Iruñera, Etxalartik Otsagabiara .. Guztira hamar dira.


Done Jakue bidea: bi ibilbide Euskadin zehar

Carlos Pérez de Uralde, Jose Angel Lecanda, Nerea Azurmendi

Eusko Jaurlaritza


Euskadi zeharkatzen duten Done Jakueren 2 bideen deskribapena: itsasertzekoa, Hondarribitik Covaronera 9 etapetan, eta barnealdekoa, Irundik Miranda de Ebrora 10 etapetan.


La vuelta al Pirineo vasco

Santiago Yaniz

Sua edizioak


GR-10 eta GR-11 ibilbideak aprobetxatuz, Baionatik irten eta Hiru Erregeen Mahaira iritsi ondoren Hondarribian bukatzen den 20 egunetako bidea proposatzen dute liburu honetan.


Euskal Herria: oinez, 7 hiriburuak = a pie, 7 capitales

Gotzon Larrea

Baigorri


Euskal Herrian barna zirkulu formako ibilaldia 35 mendi etapatan, betiere zazpi hiriburuak ibilbide ezberdinen bidez lotuz.


La gran travesía por el prepirineo: de Figueres a Lumbier

Alberto Martínez Embid, Roger Llabrés

Sua edizioak


Pirinioak mendi tontorrik egin gabe eta bailara eta herri ezberdinak batuz zeharkatzeko ibilbidea .

2008/07/01

Mailegatuenak

2008ko lehen sei hilabetetan gehien mailegatu diren helduentzako dokumentuak hauek izan dira Ibarrako Udal Liburutegian:

  • Euskarazko liburuak
1. Pijama marradunaz jantzitako mutikoa. John Boyne
Elvis hil zen urtean. Xabier Mendiguren Elizegi
2.
Elurra. Orhan Pamuk
Zakur kale. Harkaitz Zubiri
Berriro igo nauzu.Xabier Mendiguren Elizegi
Etxearen negarra. Felipe Juaristi
Euskal hiria sutan. Xabier Montoia

  • Erderazko liburuak
1. Un mundo sin fin. Ken Follet
El niño con el pijama de rayas. John Boyne
Tierra firme. Matilde Asensi
Mil soles espléndidos. Khaled Hosseini

2. La llave de Sarah. Tatiana de Rosnay

La princesa de hielo. Camilla Läckberg



  • DVD-ak
1. Diario de un escándalo. Richard Eyre
Apocalypto. Mel Gibson
2. Scoop. Woody Allen
Zodiac.
David Fincher
3. The station agent. Tom McCarthy
La vida de los otros. Florian Henckel von Donnersmarck
Después de la boda. Susanne Bier
Salvador Puig Antich. Manuel Huerga

  • CD-ak
1. Anek idatzi dit zutaz. Mikel Urdangarin
Egunon. Gozategi
Argiak. Ken Zazpi
2. Latin jazz. Bilduma
Gau giro. Kupela 
Magic. Bruce Springsteen
3.Sound of silver. LCD Soundsystem
28.000 puñaladas. Marea
Esperantzara kondenatua. Gari