2011/12/19

EGUBERRIAK 2011

Ibarrako Kultura eta Gazteria Sailak haur eta gaztetxoei zuzendutako programazio berezia antolatu du Eguberrietarako. Abenduaren 27tik 30era bitartean honako jarduerak antolatu ditu:


Abenduak 27, asteartea: "Huntz korapiloa" emanaldia 11:00etan, Benito Izagirre kultur etxean. 3-9 urte bitarteko haurrentzat.


Abenduak 28, asteazkena: "Miru, aintzirako sorgina" emanaldia Sointek taldearen eskutik. 11:00etan, Benito Izagirre kultur etxean. 2-7 urte bitarteko haurrentzat.


Abenduak 29, osteguna: "Ipuinezipuin" Eidabe taldearen eskutik. 11:00etan, Benito Izagirre kultur etxean. 4-8 urte bitarteko haurrentzat.

Abenduak 30, ostirala: "Beldurraren etxea" emanaldia Hipo eta Tomax pailazoen eskutik. 11:00etan, Benito Izagirre kultur etxean.

Eta gogoratu abenduaren 24ean, OLENTZERO 18.30ean abiatuko dela Izaskun auzotik behera eta iluntzeko 19:00etan helduko dela San Bartolome plazara haurrekin tartetxo bat egoteko!

2011/12/14

Galtzakomik 2011 lehiaketako irabazleak

Hauek izan dira aurtengo Galtzakomik lehiaketako irabazleak:

12 URTETIK BEHERA 
1. SARIA: Marrazketarako karpeta eta bi komiki. 
Planetaz planeta. Aitor Sanchez
1. AIPAMENA: bi komiki 
Sudurluze Iratxoa .Aimar Odriozola
2. AIPAMENA: bi komiki
Piszinako zulo beltza. Mara Odriozola Fernandez
3. AIPAMENA: bi komiki 
Txakur mizkiña Marcos Alonso Carrillo
4. AIPAMENA: bi komiki 
Amets baten bi aurpegiak. Ane Antxustegietxarte

12-18 URTE BITARTEKOAK 
1. SARIA: 400 €
Edurnezuri. Markel Galbete
2. SARIA: 200 €
Astokiloen familia. Paulo Albisua Idiakez
1. AIPAMENA: bi komiki
Zorte oneko tximinoa. Elene Ulacia eta Irati etxaniz
2. AIPAMENA: bi komiki
Nekazari laguntzailea.Kerman Sorarrain eta Mikel Lekuona

18 URTETIK GORA 
1. SARIA: 600 € + argitalpena
Komiki. Aitor Urkiola Badiola
2. SARIA: 400 €
Laura. Elene Urquijo Esparza
1. AIPAMENA:  
Sortzeko ahalmena. Ane Arzelus Rodriguez

Gogoratu sariak datorren ostiralean, abenduaren 16an, arratsaldeko 19.30ean banatuko direla Ibarrako Benito Izagirre Kultur Etxean

2011/11/16

Cuadernos Ucranianos




Komiki hau idazleak Ukrainara egindako bidai ugarien emaitza da. Bidai hauetan bertako jendeak kontatutakoa azaltzen du dokumental erara, Ukraniaren XX. mendeko historia,  batez ere Ukraina SESBeko (Sobietar Errepublika Sozialisten Batasunako) partaidea zenean eta Stalinen menpe zegoenean gertatutako gosete izugarria (1932-1933).

Komiki honi buruz informazio gehiago nahi baduzu klikatu hemen


2011/11/11

Biutiful

Biutiful
Aktoreak: Javier Bardem, Blanca Portillo, Ruben Ochandiano, Felix Cubero, Martina Garcia, Manolo Solo, Eduard Fernandez.
Herrialdea: Mexiko.
Urtea: 2010.
Iraupena: 138 minutu. 
Sariak: Cannes, Goya

Filmean Javier Bardemek antzezten duen Uxbal da protagonista nagusia. Bartzelona, hiri moderno eta kosmopolitan, galduta sentitzen du bere burua eta emozionalki desorekatuta dabil Uxbal. Emaztearekin zuen erlazioa era mingarrian bukatu berri du, eta honi buelta ematen saiatzen ari da. Seme alaben zaintza bere gain du eta eginbehar hau are gehiago zailtzen zaio heriotza gertu duela sentitzean. Inguruan dituenak zaindu behar ditu baina bere burua zaintzearen ardura ahaztu gabe.


Bartzelonan filmatu zuen filma Gonzalez Iñarrituk, baina postaletatik kanpo gelditzen den hiria erakutsi nahi izan du, Raval auzoa eta inguruak. Uxbalen istorioarekin orain arteko bere pelikularik intimistena egin du zuzendariak, sufrimenduaren inguruan hausnarketa gogorra.(Otamotz aldizkaritik hartutako testua)

Liburutegian zuzendari honen film hauek ere baditugu:

- Amores perros (2000)
- 21 gramos (2003)
- Babel (2006)

Hau da Biutiful filmaren trailerra:


2011/11/07

Kamishibai saioa



Datorren ostegunean, azaroaren 10ean, arratsaldeko 17:30ean, 3-5 urteko haurrentzat Kamishibai saio berri bat izango dugu Ines Bengoa kontalariaren eskutik.



2011/10/18

Nemesis. Philip Roth

Philip Roth
Nemesis
Meettok
 
 
Newark ekuatorialeko bero itogarrian, epidemia ikaragarri bat hondamendia ari da eragiten New Jersey-ko haurren artean, elbarritasunak, paralisiak, bizitza osorako ezindurak eta are heriotza ere ekarriz. Hauxe da Rothen obra berri eta liluragarriaren gai harrigarria: gerra garaiko polio epidemia bat, 1944ko udan, eta haren eragina Newark barruti batu eta familia-baloreetan oinarritutakoan.  

Nemesisen erdigunean Bucky Cantor dugu, hogeita hiru urteko jolastokiko zuzendari kementsu eta arduratsua, xabalina jaurtitzaile eta pisu-jasotzailea, bere ardurei emana eta bere buruarekin desilusionatua bizi dena, ikusmen kaskarrak bere kideekin batera gerrara joatea galarazi diolako. Polioa jolastokia jotzen hasten denean Cantorrek dituen dilemetan -eta aurre egin beharreko eguneroko errealitatean- funtsatua, Rothek halako izurri batek sor ditzakeen emozioetan barneratzen gaitu: ikara, izua, sumina, nahasmendua, bihozmina eta oinazea.  

Newarkeko kale erre eta kirasdunen eta Indian Hill izeneko Poconos-etako udaleku aratzaren artean, non airea “kutsatzaile gabeko aire purua baitzen”, Rothek fede hobereneko gizon prestu eta adoretsua irudikatzen du, epidemiaren kontrako bere gerra partikularrean borrokan. Roth samurki zehatza da hala Cantorren hondamen pertsonalaren pasarte bakoitzean, nola haurtzaroaren izaeraren deskribapenean.  

Istorio honetan ere Rothen azken aldiko nouvelletako -Everyman, Indignation (Suminez), The Humbling, eta orain, Nemesis- galdera ilunarekin egiten dugu topo: zein erabakik baldintzatzen du halabeharrez bizitza? Zenbateraino gara indargabeak zirkunstantzien indarraren kontra?

2011/10/13

Ines Bengoaren ipuin kontaketa

INES BENGOA KONTALARIA
5-8 URTEKO HAURRENTZAT
ASTEARTEAN (URRIAREN 18AN), 17:30EAN

KULTUR ETXEAN
    

      OHARRA: HAURRAK BAKARRIK SARTUKO DIRA SAIORA

2011/10/10

Barazki mokadu goxoak



Barazki mokadu goxoak errezeta liburua Donostiako Kaskazuri jatetxeko sukaldean ondu zen. Sasoian sasoiko sukaldaritza maite dute han, eta ezin hobeto dakite zein garrantzizkoa den produktua dagokion unean erabiltzea; horrekin batera, oso kontuan hartzen dute jakien aurkezpena. Esperientzia hori guztia bilduta, bada, errezeta bilduma berde-berdea osatu du Kaskazuri etxeko sukaldari taldeak propio liburu honetarako, eta omenaldi bikaina egin diote sukaldaritza landu, koloretsu, usaintsu eta, batez ere, zaporetsuari.

Hemen, Hamaika Telebistak liburuaren egileekin eginiko erreportaia ikusi dezakezue



2011/09/08

IV. Galtzakomik Lehiaketa 2011

Galtzaundi Euskara Taldeak, Ibarrako Udalaren laguntzarekin antolatzen duen euskarazko komiki lehiaketa da Galtzakomik. 2011n Galtzakomiken IV. edizioa egingo da.

LEHIAKETAREN OINARRIAK

Edozeinek parte hartu ahal izango du, bakarka, hiru kategorietan: 12 urtetik behera, 12 – 18 urte bitartean eta 18 urtetik gora.

Gaia librea izango da, baina ez da onartuko eduki bortitz, sexista edo arrazista duen komikirik eta dena delako arloan intolerantziazko jokabiderik eragin dezakeenik. Pertsonai guztiek jatorrizkoak eta argitaragabekoak izan beharko dute, autoreak berak sortutakoak eta euskara hutsean izan behar du.

Lehiaketan jatorrizko lana aurkeztu behar da eta baita ordenagailuaren bidez sortu edo tratatuak izan direnak ere. Kasu hauetan orri bakoitzeko inpresio bat aurkeztu beharko da, A-4 neurrikoa eta gutxienez 300 ppp-ko kalitatekoa izan beharko du.

Lan bakoitzak A-4 neurriko lau orri izango ditu gehienez, eta formatu bertikalean aurkeztu beharko dira. Lau orri hauetan istorio bakar bat edo istorio batzuk aurkeztu ahal izango dira.


Nola aurkeztu

Autorearen izenik ezin da jarri aurkeztutako komikian. Gutun-azalean aurkeztuko dira lanak, sinadura eta izenik gabe, izenburu batekin. Autorearen datuak (izena, telefono zenbakia, lanbidea, adina, helbidea eta komikiaren izena) beste gutun-azal batean aurkeztuko dira, izenburu berarekin. Bigarren gutun-azal hau lehenengoan sartuta aurkeztuko da.


Lanak non eta noiz aurkeztu

Lanak Galtzaundiko egoitzan aurkeztu ahal izango dira edo postaz helbide honetara bidaliko dira:

GALTZAUNDI EUSKARA TALDEA
"IBARRA GALTZAKOMIK" KOMIKI LEHIAKETA
NAFARROA ETORBIDEA 6 BEHEA
20.400 TOLOSA (Gipuzkoa)

Aurkezteko epea 2011ko irailaren 19tik azaroaren 18ra izango da. Epearen azken egun honetan postetxean aurkeztutako lanak ere onartuko dira (zigilu-markak ziurtatuko du data hau).

Saritutako lanekin eta komiki lehiaketan jasotako lanekin erakusketa bat antolatuko da abenduan Ibarrako kultur etxean. Erakusketa hau amaitu ondoren, 30 eguneko epearen barruan, sarituak ez diren autore guztiek hartu ahal izango dituzte haien lanak. Epe hau bukatu eta gero, eskatuak izan ez diren lan guztiak Galtzaundiren artxibora pasatuko dira.


Sariak

- 12 urtetik behera:

Komiki bilduma eta marrazketarako materiala.

- 12 urtetik 18 urtera bitartean:

Lehenengoa: 400€
Bigarrena: 200€

- Sariak 18 urtetik gora:

Lehenengoa: 600€
Bigarrena: 400€

Egile bakoitzak sari bakarra eskuratu ahal izango du. Epaimahai aditu batek lanik onenak aukeratuko ditu.Lehen saria eskuratzen duenak nahita nahiez etorri beharko du sariak banatzeko ekitaldira, pisuzko arrazoiren bat ez bada.


Sari banaketa

2011ko abenduaren 16ean arratsaldeko 19:30ean izango da Ibarrako Kultur Etxean. Epaimahaiaren ustez lanek ez badute eskatutako kalitaterik, sariak eman gabe utzi ahal izango dira.
Lehiaketa honetan parte hartzeak oinarri guzti hauek onartzen direla esan nahi du.

Informazio gehiago

Lehiaketa honi buruzko informazio gehiago Galtzaundi Euskara Taldean (943 655 004, kultura@galtzaundi.com, www.galtzaundi.com) edo Ibarrako Udaletxeko euskara sailean (943 673 827, euskara@ibarrakoudala.net). 
Iazko komiki irabazleak ikusi nahi badituzu, klikatu hemen

2011/09/05

Bere aitaren alaba



Bere aitaren alaba   Anne Berest  Alberdania

Hiru ahizpa dira eleberri honetan protagonista. Bizitzak banatu egin ditu, baina gaur aitaren etxean bildu dira urtebetetze bazkari baten kariaz. Oroitzapenak sortzen dira haurtzaroko beren etxera itzuli direnean. Keinu urduriak, mingainean trabatzen diren hitzak, mahaiaren inguruan esertzera lehiatzen diren haserreak… Ohikoak izaten dira halako elkarganatzeetan. Postre garaian, berriz, luze ernemuindutako bonba lehertu da: komentario zaurigarri baten ondoren, familiako sekretu bat agerian geratzen da, eta hiru ahizpen bizitza ez da aurrerantzean bera izango, ez da bera izango aitarekin daukaten harremana ezta gazterik hil zen amarengandik gordetzen duten oroitzapena ere.

2011/09/01

Arazoak

Lanera itzuli gara baina arazoak ditugu. Liburutegia astelehenean irekiko dugu 10:30-13:00 eta 15:30-20:30 ordutegiarekin.

Barkatu eragozpenak

2011/07/29

OPORRETAN GAUDE


OPORRETAN GAUDE.


ABUZTUAN LIBURUTEGIA ITXITA
EGONGO DA.


ONDO PASA!!!!!!!

2011/07/20

Irakurrienak haur eta gaztetxoen artean

Urteko lehen sei hilabeteetan, hauek izan dira liburu mailegatuenak haurren artean

Txiki-Txoko

13 aldiz. Oilobustia. Emile Jadoul
11 aldiz. basoko lagunak
Mamu tren mamu tren. Jacques Duquennoy
10 aldiz. Nola dastatu ilargia?. Michael Grejniec
Lurra, Kroko!. Jo Lodge
Kroko eta lagunak. Jo Lodge
Baserriko lagunak
Oihaneko lagunak

5-8 urte

13 aldiz.Nahastea ikasgelan. Sarah Willson
12 aldiz. Bob esponja medikuarenean. Steven Banks 11 aldiz. Galtzaile arrosa handia. Jenny Miglis
10 aldiz. Barraskiloen lasterketa handia. Kim Ostrow
¿Dónde está Wally? en busca de la nota perdida. Martin Handford
Buruko hura nork egin zion jakin nahi zuen satortxoa. Werner Holzwarth
Aurkitu animaliak uretan. Francisco Arredondo
Confusión en el aula. Sarah Wilson


8-12 urte

8 aldiz. Bikini hondoko istorioak. David Lewman
6 aldiz. Nur eta oihan misteriotsua. Toti Martínrez de Lezea
5 aldiz. Nur eta magia-kanpamentua. Toti Martínez de Lezea
Nur y el campamento de magia. Toti Martínez de lezea
Diario de Greg : móntatelo tú mismo. Jeff Kinney
El tesoro de hielo. Tea Stilton
Munstroaren gatibua. Bat Pat
Ritak nobioa du. Mikel valverde
+ 12 urte

5 aldiz. Jara Bartzelonan. Jasone osoro
La hija del espantapájaros. María Gripe
4 aldiz. Jara bikiak eta bikoteak. Jasone osoro
El curso en que me enamoré de ti. Blanca Älvarez
Misterioa argitu arte. Juan Kruz Igerabide
Emily the strange : cada vez más extraña. Rob Reger
Prohibido tener catorce años. Roberto Santiago
Azken urtea Lizeoan. Joxemari Iturralde
Donde esté mi corazón. Jordi Sierra i Fabra

2011/07/07

Mailegatuenak helduen artean

Urteko lehen sei hilabeteetan, hauek izan dira mailegatuenak helduen artean

Liburuak erderaz

9 aldiz. Lo que no supe decirte. Elizabeth Nunez
8 aldiz. La senda oscura. Asa larsson
8 aldiz. El vals lento de las tortugas. Katherine Pancol
8 aldiz. Jesús me quiere. David Safier
8 aldiz. Sé lo que estás pensando. John Verdon
8 aldiz. La herencia de los Saalberg. Cornelia Rimpau



Liburuak euskaraz

8 aldiz. 3 Mariak. Arantxa Urretabizkaia
5 aldiz. Hilobiko isiltasuna. Arnaldur Indridason
4 aldiz. Nora ez dakizun hori. Irati Jimenez
4 aldiz. Fikzioaren izterrak. Ur Apalategi
4 aldiz. Autokarabana. Fermin Etxegoien
4 aldiz. Zorion perfektua. Anjel Lertxundi


DVDak

16 aldiz. Shutter Island
14 aldiz. Up in the air
13 aldiz. El escritor
13 aldiz. Origen
13 aldiz. Invictus
13 aldiz. Precious


CDak

8 aldiz. Ortzemugak begietan. Ken Zazpi
8 aldiz. Speak now. Taylor Swift
7 aldiz. Loud. Rihanna
7 aldiz. En zgzwang. Bizardunak

2011/07/06

Tourra eta liburutegia

Tourra hasi dela eta, hemen dituzue gaiarekin erlazionatutako bi bideo. Lehenengoa liburutegian eskuragarri duzuen Bienvenidos a Belleville filmaren trailerra da, eta bigarrena, bizikletek haur literaturan duen presentzia aztertzen duen Ipupomamua saiokoa.



2011/06/17

Haur eta gazteentzako liburu berriak

Udaran irakurketaz gozatzeko, erosi berri ditugun liburuak aurkezten dizkizuegu

Your pictures and fotos in a slideshow on MySpace, eBay, Facebook or your website!view all pictures of this slideshow

2011/06/10

Udarako ordutegia

Ekainaren 20tik uztailaren 29ra eta irailaren 1 eta 2an, liburutegia goizeko 9:30etik 14:00etara irekiko da astelehenetik ostiralera eta asteazkenetan arratsaldeko 16:00etatik 18:00etara ere bai.

Abuztuan itxita egongo da.

Gogoratu udaran mailegua zuen beharretara egokitzen dugula!

2011/05/20

Muchachito Bombo Infierno

Musika alaia eta rumba estiloa gustatzen bazaizu, talde hau atsegin izango duzu. Liburutegian 2 CD ditugu (Vamos que nos vamos) eta (Visto lo visto). Hobeto ezagutzeko, hemen duzu Jungla Sonora irratsaioan eginiko aurkezpena eta zuzeneko abesti bat.



2011/05/16

“Pizgailu magikoa” ipuinaren kontaketa

Maiatzak 21, Aniztasun kulturalaren nazioarteko eguna dela eta Tolosaldean Aniztasun kulturalaren inguruan antolatu diren Jardunaldietako programan dago ipuin kontaketa hau.


“Pizgailu magikoa” ipuinaren kontaketa arabieraz eta euskaraz

Norentzat? 6-10 urte bitarteko haurrei eta gurasoei zuzendua.
Ordua:17:30etan
Non: Ibarrako Kultur Etxean
Kontalariak: Kolore Guztiak eta Idoia Sanchez.