Días de gloria (“Indìgenes”). Rachib Bouchareb

Izenburua: Días de gloria (“Indìgenes”)

Zuzendaria: Rachib Bouchareb

Antzezleak: Jamel Debbouze, Samy Naceri …

Ekoizpen urtea: 2006

Iraupena: 128’

Generoa: Historikoa / Gerrakoa

Nazionalitatea: Frantzia

Sariak: Semici, Cesar, Cannes ...

1940. urtean naziek Frantzia inbaditu zuten bitan banatuz: alde batetik alemaniarrek okupatutako zatia eta bestetik, Vichyko erregimen “titerea”. Koloniak gelditzen dira eta han Charles de Gaulle jeneralak ejertzito bat sortuko du naziak ipar Afrikatik bidali ondoren. Ejertzito horren erdia Afrikako frantziar kolonietako biztanleek (“Indìgenes” deituak) osatua dago eta bere eginbeharra Frantzia berreskuratzea izango da.

Filmak ejertzito horretan sartu ziren Algeriako 4 gazte ditu protagonista. Gazte hauek arrazoi ezberdinegatik joaten dira gerrara baina funtsean bere egoera hobetzeko, bigarren mailako hiritarrak izateari uzteko eta beste frantziarren eskubide guztiak eskuratzeko borrokatuko dute frantziar armadan. Baina gerran arrazismoa eta mesprezua besterik ez dute ezagutuko eta berdintasun hori ez dute lortuko ez gerran ez gerra ondoren ere.

Film honen estreinaldiak izugarrizko eztabaida sortu zuen Frantziako biztanleen artean eta horren ondorioz, Frantziako gobernuak “indigene” hauei ematen zien gerrako pentsioa frantziarrek kobratzen zutenarekin berdindu zuen.

Filmaren trailerra