Izaskun Mujikaren ipuin kontaketa

Aniztasun kulturalaren nazioarteko eguna dela eta, datorren astelehenean, maiatzaren 21ean, arratsaldeko 6etan, IZASKUN MUJIKA ipuin kontalariak mundu zabaleko ipuinak kontatuko dizkigu Ibarrako kultur etxean

“Txikia nintzenean Afrikara joan nintzen
oporretara nire familiarekin. Han Meto izeneko
mutiko bat ezagutu nuen eta ez dut inoiz
ahaztu bidaia hura. Jakin nahi al duzue
zergatik? “
Honela hasten da narrazio hau,
imajinazioarekin munduan zehar bidaiatzeko
eta leku ezberdinetako istorioak ezagutzeko
aukera aparta, kultura desberdinak ezagutuz
eta baloratuz.

Komiki berriak

Hemen dituzue azken aldian helduentzat erosi ditugun komiki berriak. Gehienak 2011 urteko komiki onenetariko zerrendetan azaltzen dira, adibidez Grup de còmic i biblioteques taldeak osatzen duen zerrendan
KOMIKI BERRIAK Komiki hauek Pinteresten ikusi nahi badituzu, klikatu hemen

Liburu elektronikoen irakurgailuak liburutegian

Liburu elektronikoak ezagutu eta erabiltzen ikas ditzazuen, liburutegian bi erosi ditugu mailegurako: bata Sony etxekoa eta bestea berriz Wolber markakoa. Biak ezaugarri ezberdinak dituzte wifi, pantaila ... aldetik baina biek egile eskubiderik ez duten liburu ugari dituzte hizkuntz ezberdinetan (euskeraz, gazteleraz, ingelesez eta frantzesez).


Irakurgailuak mailegatzeko liburutegiko txartela ekarri eta ondoren, beste liburu edo DVDak bezala egingo dugu mailegua. Irakurgailuarekin batera zorroa eta jatorrizko gehigarriak (USB kablea eta kargagailua) emango dizkizuegu.  Mailegua 3 astetarako  egingo da eta ezingo da epea luzatu. Behin hogeitamar egunok igarota, irakurgailua itzuli egin beharko duzue, baina haien gaineko erreserbak egiteko aukerea ere baduzue.

Maiatzeko liburu berriak

Liburu berriak Pinteresten ikusteko, klikatu hemen

Helduentzako DVD berriak

Pazko astea kultur etxean: 2012ko egitaraua

Apirilak 10, asteartea, 17:00etan

Super Txarko: Zirkuaren magoa?

Begira Teatroa 

Zirkuko zuzendariak mago garrantzitsu baten ikuskizuna aurkezten du, baina Txarko pailazoa SUPERTXARKOz jantzita agertzen da. Zuzendaria etsituta, egun batez Txarko magoa izan dadila onartzen du.


Jokoa, musika, ilusionismo trukuak, dantza eta ikuslegoaren parte hartzea uztartzen eta sustatzen dituen emanaldi bikaina. 


Apirilak 11, asteazkena, 17:00etan


Marsel Magoarekin magia saioa

Haurrak zein helduak entretenitzeko sortutako ikuskizuna, non txikiek zuzen zuzenean hartzen dute parte, bakarka magoari lagunduz eskenatokian edo taldeka elkarlanean.
Hainbat truku eskenatokian; txanpon hegalariak, kartak, musika lagun duten jolasek. Den dena oso bisuala da, umorez, magiaz eta sorpresaz beterik. Ikuskizunak inprobisazioari leku zabala usten dio, beraz inoiz ezin da jakin nondik nora joko du magoak, noraino eramango gaituen… 

Apirilak 12, osteguna, 17:00etan

"Munduan entzun nuen" Ipuin-kontaketa saioa

Jakin eta Jolas

Jakin, Euskal Herriko neska-mutilei hamaika istorio kontatu eta gero mundu zabalean zehar bidaiatzera irten da.Orain gure artean dago berriro ere eta bidean aurkitu dituen istorio eta kondairak zabaltzea du helburu. 

 



Apirilak 13, ostirala, 17:00etan

"Bikokote"

TTinbili TTanbala


Txotxongiloak eta aktoreak batzen dituen ikuskizuna da. Bi balea arrantzale dira protagonistak. Istripu batek irla galdu batetara eraman zituen eta bertako bizimodua arintze aldera bi koko hartu eta txotxongiloetara jolasten dira. Hodei Unzueta eta Ibai Esoain dira aktoreak. Hortik izena bera: bi koko eta bikote bat!

1822an Piruli eta Txupik irla batean lur hartu zuten baleak arrantzatzen ari zirela. Harrezkero irla galdu horretan bizi dira baina itsasoko urek gaur egungo Euskal Herriaren berri ekartzen diete iristen diren objektuen bidez. Barruko irrikak bultzatuta Euskal Herrira itzultzea erabakitzen dute. Zer aurkituko ote dute? Gustatuko ote zaie?

Apirileko liburu berriak

Haur eta gaztetxoentzat DVDak

Haur eta gaztetxoentzat DVD hauek erosi ditugu azken aldian