Munduko tokirik ederrena

Munduko tokirik ederrena
Iñigo Aranbarri
Susa

Nola bizi atzoko guztiak hainbesteko pisua badu. Horra Iñigo Aranbarrik hamar ipuinotan dakarren galdera. Errepidean hildakoen bitartez bailararen istorioa kontatu nahi duen jonki ohia, ezkontza baten lurrunetan dabilen poliziaren gogoetak, lagunaren emazte alargunari etxea hustera doakion hirukotea, amaren ordez herrira itzuli den gaztea, eredu izango den modeloaren bestaldea, galdutako pistola baten ibilerak, kondenatua hiltzen ikusita betiko mututu den emakumea… Ezinarekin borrokan, adiskidantzaren ertzen eta sentimendu primarioen artean dabiltza Aranbarriren aurreneko ipuin liburuko pertsonaiak erantzunaren bila.

Kontu kitatze bat desagertzen ari den mundu batekin, hura ederretsi gabe. “Ez dun nostalgia, garai hura ez zunan hobea”, dio pertsonaietako batek. Lehengo mundu hori oraingoarekin gainjarrita ageri da ipuinotan, giza flysch basa batean bezala.

Atzorik gabe ulertzerik ez dagoen oraina, hamar kontakizun fikziozkotan.

Una noche en el paraíso

Una noche en el paraíso

Lucia Berlin

Alfaguara

Hace pocos años, una colección de relatos de una escritora ya desaparecida y casi olvidada sacudió el panorama literario mundial. Era Manual para mujeres de la limpieza, de Lucia Berlin, quien alcanzó entonces el lugar que le correspondía: se convirtió en la escritora favorita de la prensa y los lectores, el título fue libro del año para los medios y su peculiar estilo se vio comparado con el de Raymond Carver o Charles Bukowski.

La singular capacidad de Berlin para representar la belleza y el dolor de las rutinas de nuestra vida, su extraordinaria honestidad, su magnetismo, la familiaridad de sus personajes, su sutil pero abrumadora melancolía... Todo ello se encuentra nuevamente y con gran intensidad en Una noche en el paraíso, una compilación que es un acontecimiento y un regalo para todos los lectores ansiosos por seguir leyendo al indiscutible fenómeno que es Lucia Berlin. Este volumen indispensable, preparado por su hijo, Mark Berlin, contiene veintidós relatos inéditos en español y está lleno de obras maestras de la literatura reciente.

Etsaiak, lagunak, ezkongaiak, maitaleak, senar-emazteak

Etsaiak, lagunak, ezkongaiak, maitaleak, senar-emazteak
Alice Munro
Igela / Erein

Bederatzi kontakizun, Alice Munroren unibertsoan kokatuak, zeinetan gertaeren joanean ustekabeko batek edo bat-batean oroimenera ekarritako zerbaitek bizitza oso bat argitzen baitute.


Munroren literatur mundua "eguneroko bizitza" da, Ontarioko Huron Countykoa zehazki. Mundu hori populatzen duten gizon, emakume eta umeak (baina bereziki emakumeak) eguneroko bizitzak ezartzen dituen eginbehar eta nekeetarako bizi dira. Ez dago gertaera bereziki misteriotsurik, betidanik ezarritako moldeetan jaio, bizi eta hiltzen dira. Baina eguneroko bizitzan zoriak eta ustekabeak nahitaez duten lekua aski da haien tragedia handi edo txikiek Huron County baino eremu zabalagoko jendeari hunkigarri gertatzeko.


Feminista goiztiartzat ote zuen bere burua galdetu ziotenean, hona haren erantzuna: "Garai hartan, ez nuen "feminista" hitza ezagutzen, baina horixe nintzela feminista, nola ez".

Berdintasunaren aldeko ipuinak

Bihotz handiegia

Bihotz handiegia
Eider Rodriguez
Susa

Ez du batere gogorik senar ohia zaintzera joateko, baina alabak hala eskatu dio eta gizonari bizialdi laburra geratzen zaionez, ahalegin txiki bat egin behar luke agian. Liburu honi izenburua ematen dion kontakizun luzeena eta lehendabizikoa da “Bihotz handiegia”, garai baten amaierari buruz diharduena, maitasunaren hondakinez.

Arroztasun sentipena dute Eider Rodriguezen sei ipuinetako pertsonaiek: nolakoa izaten ari da bikote bizitza hau, zein desio ote ditu auzokide perfektuak, nor bihurtu gara sute ikaragarriaren ondoren, ginekologoak erakutsiko al dit nolakoa naizen barrutik, zer espero zuten izango nintzela, norenak dira esku hauek.

Konplexuak eta arruntak dira aldi berean hemengo bizilagunak, jarrera ideologikoaren eta irrika eutsiezinaren arteko lehian dabiltzanak batzuetan, zalantzati edo kontraesanean, baina gorabeherei beti aurre egiten.

Gelditu zaitezte gurekin

Gelditu zaitezte gurekin
Ana Malagon
Elkar


Familiaren oporretako etxean bildu dira berriro anai-arrebak jada helduak direnean, baina hor daude oraindik min zaharrak; etxebizitza erosi du azkenean emakume gazte batek, modu onean gainera, baina han bizi den agurea bertan geratzekotan; berrogei urte betetzean, gaztetan hegoalderantz egindako bidaia berregitea erabaki dute lau lagunek; aita dibortziatuak alaba hartu du astebururako, eta bere txikitako jolasak erakutsi nahi dizkio; ama zahar eta alargunduak berriz ezkontzea erabaki du… Era askotakoak dira hamalau istorio hauetako protagonistak: gazte, heldu eta zaharrak, baina denetan nabari da halako sentipen asegaitz bat, denbora igaro arren munduan norberaren lekua aurkitu ezin bat, noizbait izandako nahi eta ametsak bete gabe geratuko diren konbentzimendua, nostalgian goxatzen ez den desolazioa. Begirada zorrotz eta idazkera zehatz baten jabe da Ana Malagon, eta dohain horiek egiten dute egungo gizarte zatikatu eta kontraesankor honen berriemaile aparta, bere tristezian ere distiratsua.

Manual para mujeres de la limpieza

Manual para mujeres de la limpieza

Lucia Berlin
Alfaguara

Con su inigualable toque de humor y melancolía, Berlin se hace eco de su vida, asombrosa y convulsa, para crear verdaderos milagros literarios con episodios del día a día. Las mujeres de sus relatos están desorientadas, pero al mismo tiempo son fuertes, inteligentes y, sobre todo extraordinariamente reales. Ríen, lloran, aman, beben: sobreviven.

Baionak ez daki

Bea Salaberri
Baionak ez daki
Susa

"Baionak ez daki" liburuko 30 kontakizun laburren bidez hiriaren margenetan gertatzen direnak ezagutzen hasiko zara: baiones baten plazer txikiak, lorpenak, etsipenak, sekretuak, grinak. Bea Salaberriren lehen narrazio liburuak eguneroko bizitzako gertakari sinpleetan ipintzen du arreta, kasik ezdeusetan, ustekabean entzundako solasetan, esperientziak iradokitako gogoetetan, kontu tipienei begira beti, detaileetan atseden harturik.

Lasai, ez da ezer gertatzen

Lasai, ez da ezer gertatzen
Ana Malagon
Elkar



Bakardadearen mapa moduko bat da liburu hau, Iban Zalduak hitzaurrean dioenez. Frustrazioaren koordenadak erakusten dizkigu bere orrietan, insatisfazioaren eta inkomunikazioaren kartografia. 162 mikroipuin idatzi ditu egileak, inoiz orria gainditu gabe, eta neurri murritz horretan unibertso pertsonal bat eraiki du: hiritarra, gaurkoa, gure egunerokotasunari ironiazko begirada bat eskaintzen diona. Haurtzaroa ageri da kontakizunotan, ez idealizatua baizik porrot txikiz osatua; heriotza ez tragikoa baizik eta ia etxekoa, misteriotsu baina aldi berean irrigarria; maitasun ez poz betezko baizik ahitua, askotan jaio orduko usteldua. Idazkera sobrio eta zehatza darabil Malagonek, apaingarriei eta enfasiei ihes egiten diena, eta –bistan denez– luzamendutan galtzen ez dena.


Eusko Irratian idazleari eginiko elkarrizketa entzun nahi baduzu, klikatu hemen

Euli-giro (Uxue Alberdi)

Euli-giro

Uxue Alberdi

Susa

Durduzagarriak, ezustekoak, misteriotsuak, apartak dira ipuin sorta honetako kontakizunak, beti lilura giroz jantziak.

Baserri zaharrean bizitzen hasi den bikote gaztea, mutilaren familiarengana bisitan joandako haurduna, andre gaixoa zaintzera hirira etorritako neskame xaloa, bere bulegoan kanpotarra dirudien abokatua, ikastetxera iritsi berri den gelakide aztoratua, poliziak zorrotz galdekatutako idazlea, ama itxuraldatzen ari zaion alaba, esku ezkerra galdu zuen biolontxelista, etxe barrura arrotza sartu zaion emakumea dira narrazio hauek habitatzen dituzten pertsonak.

Hau da liburuari buruz idazleak dioena EITBko Sautrela saioan

Dulce enemiga mía

Dulce enemiga mía
Marcela Serrano
Alfaguara

Desde las calles de los Balcanes hasta Santiago de Chile pasando por La Mancha, hay hilos capaces de unir el mundo interior de las mujeres: a veces serán la fuerza de la risa, el valor de la amistad, el amor o el sexo; otras, los miedos ante un matrimonio vacío, la hipocresía, la soledad o el temor al abandono.

La autora vuelve a demostrar su talento para penetrar el alma y la psicología femeninas con un grupo de veinte relatos protagonizados por mujeres frágiles, poderosas, aventureras o temero sas, amas de casa o intelectuales, jóvenes o maduras, cuyas voces e historias se graban a fuego en la memoria.

Zorion handiegia

Zorion handiegia

Alice Munro

Meettok

Hamar ipuin berri dakarzkigu gure idazle estimatu eta miretsienetakoak. Man Booker International saria irabazi zuen 2009an.

 

Lehenengo ipuinean, emazte eta ama gazte bat bere hiru haurrak galdu izanak sortzen dion min jasanezinetik libratzen saiatuko da ustekabeko bideetatik. Beste batean, emakume gazte batek, sedukzio ezohiko eta umiliagarri baten aurrean, buru argiz baina modu desatseginean erantzungo du. Beste ipuin batzuk agerian utziko dituzte, besteak beste, senar-emazte batzuen “zulo-sakonak”, haurren krudelkeria susmatugabea nahiz mutil bati bere aurpegi desitxuratuak bizitzan dakarzkion alde onak, eta txarrak. Eta lanari izenburua ematen dion ipuin luzean, negu batean Sophia Kovalevskyrekin batera (XIX. mende amaierako errusiar atzerriratu eta matematikari bat) bidaiatuko dugu. Bidaia Rivieran hasiko du ―maitalea bisitatuko baitu han―, Parisen, Alemanian eta Danimarkan jarraituko ―bertako doktore batekin egingo du topo zorigaiztoz―, eta Suedian amaituko ―han irakatsiko baitu, emakumezko matematikari bati lana eman nahi dion Europako unibertsitate bakarrean―. 

 

Argi eta aise, Alice Munrok berriz ere gertaera eta emozio konplexu eta zailak jasotzen ditu ipuin hauetan, gizon-emakumeak bizitzan gertatzen zaien horretara nola egokitzen diren eta nola bizipen horiek sarri buruz gain egiten dien erakusten baitu.

Paradisua. Arrate Egaña

Paradisua

Arrate Egaña 

Elkar


Zoriontasun izpien bila dabiltza Arrate Egañaren kontakizunetako protagonistak. Beren bizitzak dautzan gristasunetik aterako dituen esku salbatzailearen zain, mirari hori une bateko irudipena besterik ez izan arren.
Familiaren abaroan gelditu edo etxetik joan barne tenkan dabiltzan gazteak, bikotean bilatzen zutena aurkitu ezinaz kexatzen diren gizon-emakumeak, beren erdipurdikeria estali nahiz besteen bizitzak banpirizatzen dituzten lagunak...
Bost istorio batu ditu Egañak helduentzako bere lehenengo bilduma honetan; kontatzen den historia bezainbat, pertsonaien erretratuak, haien arteko harremanak, bizi duten giroa zaindu ditu, testuari dentsitatea eta aberastasuna emanez, irakurleak geruzaz geruza deskubritu beharko duena.

Bideoan idazleak liburuaren aurkezpenean esandakoak agertzen dira



 

Biodiskografiak

Biodiskografiak

Iban Zaldua

Erein

Hamlet-entzat hitzak ziren mundu ("words, words, words"), eta hirurogeiko hamarralditik honako belaunaldi gazteentzat, berriz, musikak bildu du mundu hori ("songs, songs, songs"). Iban Zalduaren Biodiskografiak liburuak urte horietxek hartzen ditu musikaz nahi adina hitzaspertu eskaintzeko, eta, batik bat, jada atzean geratu diren nerabezaro-gaztaroko garaiak fikzioan berreskuratzeko.




Egileari eginiko elkarrizketa irakurri nahi baduzu, klikatu hemen. Behean berriz, Hamaika.tv katean eginiko erreportaia duzu ikusgai

Fikzioaren izterrak

Ur Apalategi
Fikzioaren izterrak
Susa

Iban Zaldua idazlearen arabera urteko libururik onenetakoa da ipuin liburu hau, ipuinak borobilak direla goraipatu du, eta Bernardo eta Ramon titulupekoa liburuaren “singletzat” jo du, disko batekin alderatuz.

7 ipuinez osatutako liburuan 2 gai nagusi jorratzen ditu idazleak, bikote harremanak eta euskal literatura (idazleak, krikika, sariak ...), denak fikziozkoak dira baina errealitatetik oso gertu daudenak.

Hemen duzue Sautrela saioan duela gutxi egin dioten elkarrizketa

Nora ez dakizun hori. Irati Jimenez

Nora ez dakizun hori
Irati Jimenez
Elkar

Hau da irakurle batek liburu honetaz pasa digun komentariotxo ezin hobea:

"Oso ondo pasa dut liburu hau irakurtzen. OSO ONDO. Banpiroak, likantropoak, istorio gurutzatuak, mundua eskura (leku ezberdinak ezagutzeko aukera), artea ... eta batez ere idazteko era (egitura) ... zoragarria"

Hemen duzue Sautrela saioan idazleari eginiko elkarrizketa

Zu bezain ahul

Karmele Jaio
Zu bezain ahul
Elkar

Ipuingintzara itzuli da Karmele Jaio, eleberrietan ere bere trebezia erakutsi ondoren. Hamabost istorio dakarzkigu orain, kontakizun zuzen eta iradokorren bitartez, amodioaren ahulguneak nabarmenduz; arlo horretan nor ez da ahula baina? (Liburuaren kontrazaletik hartutako testoa)

Karmele Jaio (Gasteiz, 1970) kazetaria da ikasketaz eta lanbidez. Hamabost zauri (2004) eta Amaren eskuak (2006) kaleratu ditu orain arte.

Liburu honetaz hemerotekan aurkitu dudana hau da:

• Argia (2007ko urriak 21)
  
• Berria (2007ko urriak 10)
• Berria (2007ko azaroak 26)
• Deia (2007ko urriaren 10)
  
• Diario Vasco (2007ko urriak 8)
  
• Gara (2007ko urriak 4)
  
• Noticias de Gipuzkoa (2007ko urriak 4)
• Noticias de Alava (2007ko irailaren 19)
  
• Radio Euskadi (2007ko urriak 21)
  

Erretzaileen eremua

Erretzaileen eremua
Jon Alonso
Susa

Sekula ezer erre ez dugun erretzaileok ez dugu erretzeari uzteko ametsa alde batera utzi. Kerik gabeko eremu inposible bateko istorio arruntak dituzu liburu honetakoak. Jon Alonsok bisturi batekin bezala idatzi ditu hamahiru narrazio hauek.
Jon Alonsok narratibaren alorrean Espainiako Kritikaren saria irabazi berri du liburu honekin.

Idazle honen liburutegiko liburuak ikusi nahi badituzu, klikatu hemen

Aulki bat elurretan

Uxue Alberdi
Aulki bat elurretan
Elkar

Kale txukunak, jende ordenatua, laku ederrak, elurrezko panpinak... Eta eskale zarpailak, alkoholiko errukarriak, maitasun anemikoak, harreman izoztuak. Horra hor Suedia, Suediaren zati batzuk behintzat, Uxue Alberdik hautatuak eta moldatuak, ipuin liburu bat egiteko.
Istorio gazi-gozo hauek idazteko, Idazle gazteentzako VIII. Igartza Beka irabazi zuen Uxue Alberdik.

Egunkari ezberdinetan liburua eta idazleari buruz esan dutena jakin nahi baduzu, klikatu hemen

Inon izatekotan

Inon izatekotan
Juan Luis Zabala
Susa


Juan Luis Zabalaren koaderno literarioaren zati bat duzu liburu hau, hogei urtetik hona idatzitako ohar eta gogoetak biltzen dituena, bai eta ere zenbait artikulu, poema eta ipuin. Eguneroko baten egitura duen liburu honek idazlearen bulkoak eta lan-mahaia erakusten dizkigu.

Idazlearen beste liburu batzuk liburutegian:

- Agur Euzkadi. Susa, 2000
- Galdu arte. Susa, 1996
- Gertaerei begira. Elkar, 1988