Haur Liburuaren Nazioarteko Eguna 2010

Hans Christian Andersenen jaiotzaren urteurrenarekin bat eginez, apirilaren 2an Haur Liburuaren Nazioarteko Eguna ospatuko da mundu guztian. Aurtengo mezua Eliacer Cansinok idatzi du eta kartela Noemi Villamuzak egina da. Euskarazko itzulpena berriz, Nagore Tolosa Ustoarena da.

Hau da aurtengo mezua:


ZAIN DUZU LIBURU BAT; BILA EZAZU!

Bazen behin
itsasontzi txiki-txiki bat,
nabigatzen ez zekiena,
nabigatu ezin zuena.

Bat, bi, hiru, lau,
bost, sei aste igaro ziren,
eta itsasontzi txiki hark
nabigatu egin zuen.

Jolasten lehenago ikasten da irakurtzen baino. Eta kantatzen. Herriko haurrok kantu hori kantatzen genuen artean gutariko inork irakurtzen jakin ez arren. Kalean bildu, biribilean jarri eta, udako kilkerren ahotsekin lehian, behin eta berriz kantatzen genuen nabigatzen ez zekien itsasontzi txiki haren ezintasuna. Batzuetan paperezko itsasontzi txikiak egiten genituen eta putzuetan jarri, eta itsasontzi txikiak urperatu egiten ziren itsasertzera iristea lortu baino lehen. Ni ere auzoko kaleetan ainguratutako itsasontzi txiki bat nintzen. Arratsaldeak teilatu-lauan ematen nituen eguzkia mendebaldean nola ezkutatzen zen begira, eta sumatzen nuen urrun (artean ez nekien espazioan urrun edo bihotzean urrun ote zen), nire begiek ikusten zutenaz haratago, mundu zoragarri bat zegoela. Etxeko armairu batean, kaxa batzuen atzean, bazen liburu bat ere nabigatu ezin zuena, inork ez baitzuen irakurtzen. Auskalo zenbat aldiz igaroko ote nintzen haren ondotik han zegoela konturatu gabe. Paperezko itsasontzia, ez atzera ez aurrera, lokatzetan; liburu bakartia, ezkutuan apaletako kartoizko kaxen atzean. Behin, nire eskuak, zerbaiten bila zebilela, liburuaren bizkarra ukitu zuen. Liburua izango banintz honela kontatuko nuke: “Behin, haur baten eskuak azala ukitu zidan, eta haize oihalak zabaltzen hasi zitzaizkidala eta nabigatzen hasi nintzela sentitu nuen”. Hura bai ezustekoa objektu hura begien aurrean nuelako azkenean! Liburu txiki bat zen paper ore gorriak eta urre koloreko filigranak zituena. Ikusminez ireki nuen, kutxa bat aurkitu eta barruan zer dagoen jakiteko irrikan dagoenak bezala. Eta ez zen gutxiagorako izan. Irakurtzen hasi bezain laster ohartu nintzen aurrez aurre nuela abentura: protagonistaren ausardia, pertsonaia onak, gaiztoak, behin eta berriz begiratzen nituen ilustrazioak orri oinetan esaldiak zituztenak, arriskua, ezustekoak…, guzti-guztiak mundu zirraragarri eta ezezagun batera eraman ninduen. Horrelaxe jakin nuen gure etxetik haratago ibai bat zegoela, eta ibaiaren atzean itsaso bat, eta itsasoan itsasontzi bat noiz itsasoratuko zain. Hartu nuen lehenengoak La Hispaniola zuen izena, baina berdin-berdin izango zen Nautilus, Rocinante, Simbad-en itsasontzia, Huckleberry-ren gabarra izan baziren ere,… Horiek guztiak, nahiz eta denborak aurrera egin, hor izango dira haurren baten begiek euren haize oihalak noiz zabalduko eta abiaraziko zain. Horixe ba… ez ezazu gehiago itxaron, luzatu eskua, hartu liburu bat, ireki, irakurri: ikusiko duzu, nire haurtzaroko kantuan bezala, ez dagoela laster batean nabigatzen ikasten ez duen itsasontzirik, txiki-txikia izanagatik ere.

Eliacer Cansino

Mezua estatuko beste hizkuntzetan irakurri nahi baduzu, klikatu hemen

Liburutegian

Hitchcock liburutegian

Alfred Joseph Hitchcockek (1899-1980) zinemarekin izan zuen lehen harremana pelikula mutuetan azpitituluak egitea izan zen. Honela zinemagintzan zaletzen joan zen eta montadore, zuzendari artistiko eta gidoilari lanak egin ondoren, Graham Cutts zuzendariaren laguntzaile izan zen hiru urtez. 1929an egin zuen bere lehen luzemetraia, "The pleasure garden" melodrama. Hasierako film hauek ez zuten arrakasta handirik izan eta terrorezko filmak egiten hasi zen nahiko harrera onarekin. 1939 urtean Hollywoodera joan zen eta han egin zituen bere film ezagunenak. Suspensearen erregea deituriko zuzendari honek 50 pelikula baino gehiago egin zituen 60 urtetan, horietatik 27 liburutegian ditugularik. Hauek dira esanguratsuenak:

• Shadows of a doubt (La sombra de la duda, 1943)
• Spellbound (Recuerda, 1945)
• Rope (La soga, 1948)
  
• Strangers on a train (Extraños en un tren, 1951)
• Vertigo (Vértigo, 1958)
• North by northwest (Con la muerte en los talones, 1959)
  
• Psycho (Psicosis, 1960)
• The birds (Los pájaros, 1963)
• Marnie (Marnie la ladrona, 1964)
  
• Frenzy (Frenesí, 1974)

Musika airean

Musika airean
Karmele jaio
Elkar

"Nire asmoa bakardadeari buruz hitz egitea zen, eta horretarako irudi egokia iruditu zitzaidan Elenarena. Emakume adindua da, bakarrik bizi da, eta, gainera, bizitza oso baten ondoren, gauza asko ditu pentsatzeko. Egia da gutxitan izaten direla horrelako emakumeak protagonista, baina uste dut atzetik bizitza osoa duen emakume bat oso interesgarria izan daitekeela; are gehiago Elenaren garaikoak bezala, hainbeste gorde dutenak. Nik jakin-min handia nuen Elenak buruan izan zezakeenari buruz"

Karmele Jaio, Berrian 2010eko otsailaren 2an

2009ko musika

Oraingo honetan 2009ko musika biltzen duten hiru CD aurkeztu nahi dizkizuet. Alde batetik Entzun! aldizkariak Euskal Herriko taldeen 18 abestiz osatutako bilduma eta bestetik, nazioarteko musika biltzen duen Rockdeluxe aldizkariarena. Disko hauetako abesti batzuk hemen dituzue

Create a MySpace Music Playlist at MixPod.com

Tigre Blanco

Tigre Blanco
Aravind Adiga
Roca

Indiako enpresari batek Txinako lehen ministroari bidaltzen dizkion 9 gutunen bidez txirotasuna (berak iluntasuna deitzen dio) alde batera nola utzi duen azaltzen dio eta bide batez, Indiako historiaren eta egungo egoeraren berri ematen dio: sistema politikoaren ustelkeria, polizien gehiegikeriak, pobrezia, familiari zor zaion leialtasuna, askatasun eza, erlijioa ... eta batez ere txiroen eta aberatsen artean dauden ezberdintasunak erakutsiko dizkio.
Idazleak erabiltzen duen estiloa oso bizia da eta umorea asko erabiltzen du, liburua erraz irakurtzen delarik.
Nobela honen lehen kapitulua irakurri nahi baduzu, klikatu hemen

Mailegatuenak 2009 (Haurrak eta gazteak)

Haurren artean berriz, hauek izan dira gehien etxera eraman direnak:

Liburuak


0-8 urte

1. Kroko eta lagunak. Jo Lodge. 30 aldiz.
2. Lehoi errege. 25 aldiz.
3. Munstro bat ohe azpian. Angelika Glitz. 22 aldiz.
4. Cuentos mágicos. 21 aldiz.
La granja. Anita Ganeri. 21 aldiz.
Nola dastatu ilargia?. Michael Grejniec. 21 aldiz.

8-12 urte

1. Tercer viaje al reino de la fantasía. Geronimo Stilton. 12 aldiz.
2. En el reino de la fantasía. Geronimo Stilton. 11 aldiz.
La montaña parlante. Geronimo Stilton. 11 aldiz.
¡Un superratónico día de vacaciones! Geronimo Stilton. 11 aldiz.
3. ¡Qué vacaciones tan superratónicas! Geronimo Stilton. 10 aldiz.

+12 urte

1. Dorretxe zaharreko misterioa. Fernando Morillo. 6 aldiz.
Nunca seré tu héroe. María Menéndez-Ponte. 6 aldiz.
2. Urtebete itsasargian. Miren Agur Meabe. 5 aldiz.
Nikolas Txikiren historia ezezagunak. René Goscinny, jean-Jacques Sempé. 5 aldiz.
El príncipe de la niebla. Carlos Ruiz Zafón. 5 aldiz.
Harry Potter eta sorgin-harria. J.K. Rowling. 5 aldiz.



DVDak


1. Poxpolin Marisorgin (Pirritx eta Porrotx) . 34 aldiz.
2. Cars. 30 aldiz.
Barbie eta Pegasoren magia. 30 aldiz.
3. Barbieren egunerokoak. 29 aldiz.
4. Bee movie. 28 aldiz.
Tom y Jerry: el anillo mágico. 28 aldiz.
High school musical. 28 aldiz.



CDak


1. Go!azen. 22 aldiz.
2. Piratak (Pirritx eta Porrotx). 18 aldiz.
3. Plisti plasta (Pirritx eta Porrotx). 12 aldiz.
Eskerrik asko! (Pirritx eta Porrotx). 12 aldiz.

Mailegatuenak 2009 (Helduak)

Hemen dituzue 2009 urtean helduen artean mailegatuenak izan direnak eta zenbat aldiz mailegatuak izan diren:

Liburuak

1. Zoaz infernura laztana. Anjel Lertxundi. 20 aldiz
2.Bilbao-New York-Bilbao. Kirmen Uribe. 18 aldiz
Los hombres que no amaban a las mujeres. Stieg Larsson. 18 aldiz
3. La chica que soñaba con una cerilla y un bidón de gasolina. Stieg Larsson. 16 aldiz
4. La flor de la argoma. Toti Martínez de Lezea. 14 aldiz.
5. El chino. Henning Mankell. 13 aldiz
6. El niño con el pijama de rayas. John Boyne. 12 aldiz
Zazpi etxe Frantzian. Bernardo Atxaga. 12 aldiz
7. El club de los viernes: 8 mujeres, 8 maneras de tejer la vida. 11 aldiz
Escuela de belleza de Kabul. Deborah Rodriguez. 11 aldiz


DVDak

1. Ché, El Argentino. 22 aldiz
2. Los falsificadores. 21 aldiz
El niño con el pijama de rayas. 21 aldiz
Nápola: escuela de élite nazi. 21 aldiz
3. Bajo las estrellas. 20 aldiz
4. American gangster. 19 aldiz
Sophie Scholl: los últimos días. 19 aldiz
5. Voces inocentes. 18 aldiz
Al otro lado. 18 aldiz
Cuatro minutos. 18 aldiz
Cometas en el cielo. 18 aldiz
Lo mejor de mí. 18 aldiz
Half Nelson: lo mejor de enseñar es aprender. 18 aldiz

CDak

1. Malko gorria. Sugan. 13 aldiz
2. Itsas ulu zolia. Benito Lertxundi. 10 aldiz
Laino guztien gainetik, sasi guztien azpitik. Gatibu. 10 aldiz
Viva la vida or Death and his all friends. Coldplay. 10 aldiz
3. And winter came ... Enya. 9 aldiz
As i am. Alicia Keys. 9 aldiz
4. No line on the horizon. U2. 8 aldiz
Herriaren oihua. Hesian. 8 aldiz
Ten. Pearl Jam. 8 aldiz.
Working on the dream. Bruce Springsteen. 8 aldiz